“乳癌……系港女第三大癌症杀手！”咁大件事，唔系唔正视啩。政务司司长林郑月娥、乳癌基金会名誉会长范徐丽泰两位政坛一级阿太，寻日就出席咗乳癌基金“赛马会九龙乳健服务中心”动土仪式。林太致辞时仲线多名女性生命，自己身为现届班子中唯一嘅女人，梗系要嚟撑场啦！
除咗林郑同范太，食物及卫生局局长高永文同董事梁高美懿都有出席动土仪式。梁高美懿话，而家乳癌基金会得北角一间乳健中心，好多时女患者病左都仲要长途跋涉过海睇病。有见及此，就批出地皮，赛马会就斥资拨款，等基金会可以喺牛池湾兴建新嘅九龙服务中心，令更多市民得到乳健教育、检查同患者支援服务。
呢个九龙乳健中心，预计会喺出年七月落成，跟住就正式投入服务㗎啦，中心仲会推行为期三年嘅“赛马会乳妳同行计划”，为超过三万六千名女性服务，包括五千名低收入同经济有困难者，提供免费乳房X光造影及检查添。
其实郑晴知道，一直都好重视防治乳癌工作，早喺2001年已经成立高层次嘅癌症事务统筹委员会，负责有关工作；林郑寻日话，会继续加强教育、推广健康生活模式同鼓励各位女性定期检查。姊妹们！唔想继续畀杀手潜伏喺身边，就记得去乳健中心Check吓，关注健康啦。环太平洋 彩蛋